Biddacidru. 'Lunis in su Tzínema' 22 de Abrili 2024 : ”Pelle di bandito”.

notizie
Data:

22 aprile 2024

Visite:

222

Tempo di lettura:

8 min

Biddacidru. 'Lunis in su Tzínema' 22 de Abrili 2024 :  ”Pelle di bandito”.
Biddacidru. 'Lunis in su Tzínema' 22 de Abrili 2024 : ”Pelle di bandito”.

Biddacidru. "Lunis in su Tzínema" 22 de Abrili 2024 : ”Pelle di bandito”.


Lunis 22 de Abrili 2024, in Biddacidru, in sa Mediateca comunali, bia Parrocchia 190, h. 16:00 ddoi est su de cincu atóbius de su labboratóriu culturali in Língua Sarda “Lunis in su Tzínema.
Su film chi faint a biri est “Pelle di bandito” de su 1969, cun sa regia de Piero Livi e cun sa partitzipatzioni de Ugo Cardea, Giuliano Disperati, Mavì Bardanzellu, Matteo Macciocco.
Apustis de ai girau unus cantu cortometràgius, intra de custus “Marco del mare”, “Una storia sarda”, Livi fait su film “Pelle di bandito” chi si torrat a fai a s'istória de Graziano Mesina, e partitzipat a sa de 30 “Mostra Internazionale d'Arte Cinematografica di Venezia”. A parri de medas “Pelle di bandito” est su mellus film fatu in is Annus Sessanta asuba de is càusas sotzialis e psicológicas de su banditismu in Sardigna. In su matessi tempus, Livi est su promotori de sa “Mostra Internazionale del cinema d'amatore” de Terranoa e de sa “Mostra Internazionale del cinema indipendente”. Apustis de giai 25 annus chi non fadiat film, in su 1999, Livi girat “Sos Laribiancos – I dimenticati” pigau de su romanzu de Francesco Masala “Quelli dalle labbra bianche”.


TRAMA


Po vengai s'acusa ingiusta de bocidura fata contras a unu de is fradis, su pastori Mariano de Linna bocit a unu innotzenti chi est de sa famíllia nemiga. Mentras is parentis de su mortu rinuntziant a iscadenai una vengàntzia, Mariano dd'acabbat in presoni, de innui, perou, nci rennescit a si fui in cumpangia de Pedro, un'ispanniolu disertori de sa "Legione Straniera", arrestau po ndi ai furau una màchina. Rennésciu a ddu imponni a is óminis chi dd'acumpàngiant intra de rocas e padentis de su Supramonti, Mariano acunsentit a sa bidea de Pedro: isbandonai is cumportamentus e is métodus de su banditismu traditzionali po ndi pigai su dinai a is ricus, secuestrendi·ddus. Addestraus, de Pedro, a umperai is armas modernas, Mariano e is óminis suus, favoréssius de basistas fidaus e de genti chi si movit in segretu, bessint "gangster" e nci rennescint a cuntrastai is fortzas ispetzialis de sa Politzia mandadas po ddus firmai. Mentras is secuestrus andant a bonu fini e frutant bellu dinai, Mariano connoscit una picioca, Stefania, chi ddi cuntzedit s'amori suu. In s'interis de un'atacu de is "Baschi Blu", Pedro morit, mentras Mariano rennescit a si nci fuiri. Ma oramai sa solitudini de su bandidu ispriculitau non si podit prus sumportai: is cumpàngius suus funt fadiaus; Pedro etotu, innantis de si morri, dd'iat intzullau a dd'acabbai cun cussa vida. Una dí, a s'improvisu, Mariano benit arrestau, fortzis est istétiu issu etotu a si cunsignai po fadiori o fortzis dd'at fatu po permiti a sa mamma de incasciai sa tàglia chi nci fiat asuba de issu.
Su labboratóriu ddu fait s'assótziu culturali "Sarditinera" in collabboratzioni cun su Comunu de Biddacidru e s'assótziu culturali “SEMM – Sardegna Europa Mediterraneo Mondo”.
Su labboratóriu est a indonu e fait parti de is atividadis culturalis in Língua Sarda de sa Províntzia de su Sud Sardigna chi sa Regione Autònoma de Sardigna finàntziat cunformas a sa L.482/99 e a sa L.R. 22/2018.
“Lunis in su Tzínema” est unu labboratóriu chi previdit sa proietzioni de 8 film o cortometràgius de argumentu sémpiri diferenti chi riguardant s'istoria e sa cultura de sa Sardigna. Su film podit èssiri in língua sarda o in língua italiana ma su chi aunit custus 8 atóbius est sa Língua Sarda, difatis is cumentus, is osservatzionis ddus faint totu in sardu.
Giai chi dónnia atóbiu riguardat un'argumentu diferenti, si podit abbitai su labboratóriu/atóbiu chi prus interessat.
Non ddoi at abbisóngiu de si iscriri a su labboratóriu, bastat a si presentai in sa Sala letura de sa Mediateca Comunali dónnia Lunis a is cuatru (16:00).

A cura di

Comune di Villacidro
Piazza Municipio, 1 - 09039 Villacidro (VS)
Logo

Quanto sono chiare le informazioni su questa pagina?

Valuta da 1 a 5 stelle la pagina

Grazie, il tuo parere ci aiuterà a migliorare il servizio!

Quali sono stati gli aspetti che hai preferito? 1/2

Dove hai incontrato le maggiori difficoltà? 1/2

Vuoi aggiungere altri dettagli? 2/2

Inserire massimo 200 caratteri