Biddacidru. 'Lunis in su Tzínema' 8 de Abrili 2024

notizie
Data:

3 aprile 2024

Visite:

200

Tempo di lettura:

7 min

Biddacidru. 'Lunis in su Tzínema' 8 de Abrili 2024
Biddacidru. 'Lunis in su Tzínema' 8 de Abrili 2024

Biddacidru. "Lunis in su Tzínema" 8 de Abrili 2024 : “Barbagia. La società del malessere” de Carlo Lizzani.
Lunis 8 de Abrili 2024, in Biddacidru, in sa Mediateca comunali, bia Parrocchia 190, h. 16:00 ddoi est su de tres atóbius de su labboratóriu culturali in Língua Sarda “Lunis in su Tzínema.
Su 8 de Abrili faint a biri est: ”Barbagia. La società del malessere”.
Sa bidea de su film est pigada meda libberammenti de su libru “La società del malessere” di Giuseppe Fiori”

Su film, contat de Graziano Cassitta unu pastori brabaxinu gióvunu, pesau cunformas a sa costumàntzia de su logu e educau a cunsiderai s'onori prus importanti de sa vida, at vendicau sa morti de unu de is fradis, bocendi a su chi ddu iat mortu. Arrestau, rennescit a si nci fuiri tres bortas: s'úrtima de su presoni de Tàtari in cumpangia de unu piciocu ispanniolu, Miguel Atienza e cun custu si cuat in su Supramonti. Agiudau de Spina, un'abogau disonestu, Graziano e sa banda sua inghitzant a si dedicai a un'atividadi chi rendit: su secuestru de persona. In s'interis chi sa politzia e is repartus ispetzialis de is Carabbineris ddi donant sa cassa chentza nisciunu risurtau, Gratziano, chi giustíficat is atzionis suas, narendi chi bolit sanai, pighendi su dinai a is ricus, a is ingiustítzias secularis chi ant sunfriu is pastoris. Giai chi oramai est famau in dónnia logu, bisat de si ponni a cabu de unu movimentu separatista. Atzicaus de sa mania de grandesa sua, Spina e is àterus detzidint de si ndi libberai fadendi·ddi fai unu isbàlliu: su secuestru de Nino Bedetto, un'ómini onestu po nudda ricu. Su fatu fait indinniai totu s'Ísula; sa populatzioni etotu agiudat a is Carabbineris po circai de ddu fai bessiri a s'iscobertu in s'interis chi su malcuntentu inghitzat a si fai intensi in sa banda sua, chi no est prus disposta a ddi ponni a menti cumenti a prima. Graziano nci dda fait ancoras una borta a non si fai cassai ma non po meda.

Su labboratóriu ddu fait s'assótziu culturali "Sarditinera" in collabboratzioni cun su Comunu de Biddacidru e s'assótziu culturali “SEMM – Sardegna Europa Mediterraneo Mondo”.
Su labboratóriu est a indonu e fait parti de is atividadis culturalis in Língua Sarda de sa Províntzia de su Sud Sardigna chi sa Regione Autònoma de Sardigna finantziat cunformas a sa L.482/99 e a sa L.R. 22/2018.
“Lunis in su Tzínema” est unu labboratóriu chi previdit sa proietzioni de 8 film o cortometràgius de argumentu sémpiri diferenti chi riguardant s'istoria e sa cultura de sa Sardigna. Su film podit èssiri in língua sarda o in língua italiana ma su chi aunit custus 8 atóbius est sa Língua Sarda, difatis is cumentus, is osservatzionis ddus faint totu in sardu.
Giai chi dónnia atóbiu riguardat un'argumentu diferenti, si podit abbitai su labboratóriu/atóbiu chi prus interessat.
Non ddoi at abbisóngiu de si iscriri a su labboratóriu, bastat a si presentai in sa Sala letura de sa Mediateca Comunali dónnia Lunis a is cuatru (16:00).

A cura di

Comune di Villacidro
Piazza Municipio, 1 - 09039 Villacidro (VS)
Logo

Quanto sono chiare le informazioni su questa pagina?

Valuta da 1 a 5 stelle la pagina

Grazie, il tuo parere ci aiuterà a migliorare il servizio!

Quali sono stati gli aspetti che hai preferito? 1/2

Dove hai incontrato le maggiori difficoltà? 1/2

Vuoi aggiungere altri dettagli? 2/2

Inserire massimo 200 caratteri